Heydi Paz

Paoletta Balmelli-(r)en eskutik

  • Heydi Paz
  • 25 urte
  • Madrid
  • 13/08/18

Polizia Nazionalaren Homizidioetako VI. Taldeak ikerketa abiatu du abuztuan Madrilgo Usera barrutian izandako sute baten ondorioz maleta batean laurdenkatuta aurkituriko emakumea nor den jakiteko, Poliziaren Goi Bulegoko bozeramaile batek Europa Pressi jakinarazi dionez.

Gorpua abuztuaren 13ko 14:10ak aldera aurkitu zuten, Almendrales auzoko Sebastian Gomez kalean. Suhiltzaileak bi solairuko nabe batean gertaturiko sute txiki bat itzaltzera joan ziren, bizilagunek deituta. Minutu gutxi batzuetan sugarrak itzali ondoren, Polizia Nazionala iritsi zen lekura, sutearen jatorria aztertzera.

Agenteek estalitako maleta bat aurkitu zuten minus 1 solairuan, odol putzu baten erdian.Barruan emakumezko baten gorputz enborra aurkitu zuten, hainbat zatitan ebakia eta gainetik hauts zuri bat zuena, agian azeleratzaile bat, gorpuak azkarrago har zezan su. Hortaz, sutea maleta desagerrarazteko eragin zutela ondorioztatu zuten.

Gorpuari autopsia eta beste proba batzuk egin zizkioten, baina oraindik ezin izan da jakin norena den eta nortzuk hil eta/edo ezkutatu duten. Agenteek nabearen jabea aurkitu dute, eta astelehen honetan La Razón egunkarian argitaratu dutenez, bere buru ahalmenen jabe ez den agure bat da, eta hainbat pertsonari alokatu zien nabea zenbait hilabetez.

Iturria: El País
scroll